Alkalde ng Legazpi City, ipinauubaya na sa COMELEC ang recount sa nakaraang eleksyon na inihain ng kampo ni dating AKB party-list Cong. Pido Garbin

LEGAZPI CITY – “Let it be”. Ito ang naging pahayag ni Legazpi City Mayor Carmen Geraldine Rosal sa Brigada News FM Legazpi nang tanungin ng patungkol sa gagawing recount sa nakaraang eleksyon na isasagawa ng COMELEC Central Office na inihain ni dating AKB Party-list Cong. Alfredo Pido Garbin.

Ayon sa alkalde, naniniwala siyang anuman ang kalalabasan ng recount ay wala itong nilabag sa panahon ng pangangampanya, kung kaya’t hindi niya ito ikinababahala.

Aniya, kung sa tingin ng kanyang katunggali ay nagkaroon ng hindi patas sa eleksyon, hindi na nila ito kontrolado para magsampa ng recount.

Hindi rin masabi ng opisyal kung sila ay lalamang pa sa mahigit 500 boto o ang kalaban ang mas lalamang sa gagawing recount dahil may mga invalid na balota ang hindi nabilang sa PCOS machine.

Sa ngayon ay maghihintay na lamang ito ng resulta mula sa komisyon upang malaman ng publiko kung sino ang pinili na uupong alkalde ng lunsod.

Leave a Reply

Your email address will not be published. Required fields are marked *