Alkalde ng Polangui, Albay, nagpahayag ng kanyang 1st 100 days accomplishment

LEGAZPI CITY – Inilatag ng Alkalde ng Polangui, Albay ang kanyang mga nagawa sa loob ng 100 araw na panunungkulan sa pagkaalkalde sa bayan.

Sa naging talumpati ni Mayor Adrian Salceda, inihayag niya na sa unang pag-upo nito noong Hulyo 1, 2022 ay tinutukan ng LGU ang kalusugan lalo na ang Vaccination Program laban sa Covid-19.

Humigit-kumulang sa 50 indigent beneficiaries din ang natulungan sa pamamagitan ng DSWD Medical Assistance at marami pang iba.

Inihayag din niya na ang Polangui ang kauna-unahan sa ikatlong distrito ng lalawigan ang nagkaroon ng Emergency Quick Response Team (EQRT) para sa mabilisang pagbibigay ng tugon may kalamidad man o wala.

Sinabi rin nito na patuloy pa rin ang pagsasaayos o pagpapagawa ng evacuation centers sa bayan, mga kalsada at iba pang mga programa sa Education.

Leave a Reply

Your email address will not be published. Required fields are marked *