Alkalde nin Panganiban, Catanduanes nagpaapod nin miting kaiba an Local IATF huli sa nagdadakul na kaso nin helang sa saindang banwaan

BICOL- Suogma aldaw nin Miyerkules, nagpaapod nin miting an alkalde kan banwaan nin Panganiban kaiba ang Local IATF huli sa padagos na pagdakol kan mga nagpopositibong kaso nin COVID-19 sa saindang banwaan partikularmente sa Brgy. Sta. Ana.

Sa ngunyan kaya, puminakol na sa onse ang aktibong kaso nin helang kan saindang banwaan kung sain sampulo sa mga ini ang hali sa Brgy. Sta. Ana mantang saro ang gikan sa Brgy. Maculiw.

Napag-urunan sa  nasabing miting ang pagsairarom sa banwaan sa Enhanced Community Quarantine puon ngunyan na aldaw asin pagpautob nin mas mahigot na checkpoints asin paglatag nin Alternative Work Arrangement sa mga empleyado nin munisipyo.

Marurumduman na kaining mga nakaaging aldaw sunod-sunod ang mga nairehistrong nag positibong indibidwal sa Panganiban na nagpuon lang sa apat na indibidwal na kinabalihan kan duwang senior citizens, sarong health worker asin saro pang indibidwal.##

Leave a Reply

Your email address will not be published. Required fields are marked *