LEGAZPI CITY – Labi an kaogmahan ni Amelica Morano, sarong mobile teacher nin Alternative Learning System (ALS) sa Daraga huli sa 175 na ALS students na naggradwar sa banwaan kan nakalihis na semana.
Segun saiya, maogma siya huli ta natabangan ninda an mga estudyante asin natawan ki pangaduwang pagkatataon sa pagklase.
Sa intrevista saiya kan Brigada News FM Legazpi, pigsabi niya na an mga nagtarapos ngunyan sa ALS pwedesir nang makaabante sa next level kan pagklase.
Segun saiya, an mga naggradwar sa ALS Junior High School, pwedesir nang makapag-enroll sa ALS Senior High, o regular na Senior High o pwedesir man na magkua ki TESDA courses.
Pigsiyerto man ni Morano na pigtutuwangan sinda kan gobyerno-lokal kan Daraga, asin mga barangay nganing matabangan an mga ALS students, siring kan pagpagamit ki mga barangay halls, chapels, o mga klasrums sa daycare centers nganing magin venue sa pagpaklase sa manlain-lain na mga barangay.
Mientrastanto, ngunyan, pig-iimbitaran na ninda an mga out of school youth asin adults na gusto magbalik-eskwela sa anuman na kategorya na magduman sa manlain-lain na community learning centers sa banwaan nganing makapagpa-enroll sa ALS sa maabot na enrollment period para sa AY 2023-2024.