LEGAZPI CITY – Pigkumpirmar kan Department of Education (DEPED) Legazpi Alternative Learning System (ALS) na dakula an nagin improvement kan ALS sa syudad kan Legazpi orog na pag-abot sa mga programang pig-oopresir kaini.
Sa intrevista kan Brigada News FM Legazpi kay DEPED Legazpi ALS Pilot Center focal, Glen Nacion, pigsabi niya na nagtatalubo asin nagdadakula an ALS sa syudad huli ta kaidto, basic sana an mga programang nasa irarom kaini siring kan Basic Literacy Program para sa mga non-literates asin non-numerates na elementarya.
Apwera kaini, igwa man sinda ki Accreditation Equivalency Program kun sain nasa irom kaini an elementarya asin junior high school.
Alagad, kan nakalihis na taon, nag-epand su boot sinda kun sain nagkaigwa na ki ALS senior high school kung sain igwa nin manlain-lain na strands na pig-opresir.
Huli kaini, dakula an pagtubod ni Nacion na mas maimprove asin matalubo pa an ALS sa syudad.
Pigtawan-duon man ni Nacion, obheto kan ALS na magtao ki alternatibong edukasyon nganing makatapos nin basic education an mga out-of-school-youths asin out-of-school-adults.