Dakop ro an-um nga indibidwal sa buy-bust operation it Regional Police Drug Enforcement Unit 6 kaeakip ro Station Drug Enforcement Team it Jaro PNP nga nagresulta sa pagkarekober it haeos P400K nga balor it shabu sa Brgy. Balantang, Jaro, Iloilo City, ku Mayo 15, 2023.
Unang naaresto ro mag-amang sanday Jerodion Jinon alias “Boss”, 43yo, ag ginakabig nga Regional Top Priority Target HVI ag ro unga kara nga 20-anyos nga eaeaki, parehung residente it Brgy. Balantang, Jaro, Iloilo City matapos sanda nga mabakean it shabu sa balor nga P10,000.00.
Kasunod it pag-aresto sa mag-ama hay naaktuhan man ro ap-at pang indibidwal sa sueod it sangka drug den nga nagapatigayun it pot-session.
Narekober sa nasambit nga operasyon ro 29 sachets it suspected shabu nga nagatimbang it 25 gramo ag may Standard Drug Prize nga P394,400; Drug paraphernalias ag mga non-drug items.
Magapangatubang makarun ro mga nadakpan nga suspek sa kasong pag eabag sa R.A. 9165 o ang Comprehensive Dangerous Drugs Act of 2002. // ANN DESLENE SALAZAR