Gibuhian ang gitudlong suspek sa 72 anyos nga biktima kini gumikan walay nakit-ang timal-ilhan nga gituok niini ang iyang kaugalingon inahan.
Kini ang pahayag ni Police Captain Rey Sotomayor, hepe sa Sulop Police Station. Gibutyag sa opisyal nga wala na sad mipadayon sa pagpasaka sa kasong parricide ang mga anak sa biktima batok ngadto sa ilang igsoon.
Dugang pa ni Police Captain Sotomayor, nga sa gihimong medical examination sa Municipal Health Officer sa Sulop, migawas sa resulta nga walang foul play ang kamtayon sa biktima.
Hugot sab nga gihimkaak ni Alyas Amay ang alegasyong iyang gipasakitan ang kaugalingong inahan nga si Dulcisima Elardes Malinao, 72 anyos.
Nasayran nga dugay nang dunay gihambin nga balatian ang biktima.
Kahinumdoman nga sa unang report si Alyas Amay ang gitudlong miunay sa pagtuok sa iyang inahan hangtod nga kini nabugtoan sa kinabuhi.