Napasakaan na sang panumbungon ang duha ka anay mga opisyal sang Barangay Tacas, Pontevedra, Capiz sang 3 counts of Republic Act 3091 ukon Anti-Graft and Corrupt Practices Act.
Ginkilala ang mga akusado nga sanday Junar Bautista, 42- anyos, anay Punong Barangay; kag Andy Borbon, 35-anyos, anay Barangay Kagawad.
Natigayon nga madakpan sanday Bautista kag Borbon matapos ginserbihan pinaagi sa gahum sang warrant of arrest sa Barangay 9, Roxas Avenue Roxas City.
Ang mandamiento de aresto ang ginpirmahan ni Honorable Lorencito Belo Diaz, Presiding Judge, Branch 17 Roxas, City, Capiz napetsahan Abril 12, 2023.
Kantidad nga P90,000 ang piyansa nga ginrekomendar sang korte para sa temporaryo nga kahilwatan sang mga suspek.
Sa karon, nagapabilin ang duha sa kostudiya sang kapulisan para sa nagakaigo nga disposisyon. | KMD Gicalde