Gin-athag ni Presidential Communications Office Secretary Cheloy Garafil nga local officials ang nag-imbitar kay anay Senador Mar Roxas sa rice distribution sa Roxas City, Capiz.
Ini matapos nagguwa ang espekulasyon nga posible nga magabalik si Roxas sa trabaho sa gobyerno sa idalom sang Marcos, Jr. administration.
Gin abi-abi man ini ni President Ferdinand Marcos Jr., sa entablado matapos nga madugay na sila ni Roxas nga wala nagkitaay.
Nahibaluan nga si Roxas ang pakaduha man ni First Lady Liza Araneta Marcos.
Madamo naman sang matag-as nga posisyon sa pulitika nga nahawiran si Roxas kun sa diin nakapungko man ini bilang representative sang 1st District sang Capiz, nangin partymate ni former vice president Leni Robredo sa Liberal Party nga vocal opposition party sa diktadura ni anay President Ferdinand Marcos, Sr.
Antes sini, may naga-guluwa man nga istorya nga siya ang ginalantaw nga magpungko bilang tiglikom sang Department of Agriculture apang sang Hulyo, ginpanginwala ini sang presidential son nga si Ilocos Norte 1st District Representative Sandro Marcos.
Naka-serbe man si Roxas sa nagliligad nga administrasyon — bilang trade secretary sang Joseph Estrada administration, trade secretary sang Gloria Arroyo administration, kag nangin transportation chief kag interior secretary sang Benigno Aquino III administration. | Judy Ann Juare