Arestado ang isa ka anay traffic auxillary sa ginkasa nga drug buy-bust operation sang mga katapo sang Roxas City PNP sa Barangay IX, Roxas City.
Ginkilala ang naaresto kay Romnick Aguirre, residente sang nasambitan nga lugar.
Narekober sa posisyon ni Aguirre ang isa ka unit sang caliber .38 revolver, apat (4) ka bala, kag boodle money nga P4,300.
Magapangatubang sang kaso nga paglapas sa RA 10591 ukon Illegal Possession of Firearms and Ammunition ang nadakpan. Sa karon, nagapabilin ini sa Roxas City PNP para sa nagakaigo nga disposisyon. | Judy Ann Juare