ANTI CYBERCRIME UNIT SA PNP MAY TAMBAG SA PUBLIKO ARON DILI MAILAD SA MGA MODUS O PAGPANGILAD

DILI basta i-click ang unsa man nga ginapasa nga mensahe sa dili kaila o bag-o nga numero ug dili modawat gilayun og friend request sa social media aron dili mabiktima sa pagpangilad gamit ang bag-ong teknolohiya.

Segun ni Matud ni PCol. Elmer Mora, Regional Chief sa Anti-Cybercrime Unit sa Police Regional Office o PRO-12 nga daghan ang mga modus online hinungdan mag-amping kanunay.

Ang uban mogamit og face accounts aron nga makapamiktima pinaagi sa pagpangilad ug sagad kwarta ang mawala gikan kanila sama sa double your money, investment, taas nga suhulan nga trabaho, ug uban pang pagpang-engganyo.

Sa mga may karelasyon, may asawa o bisan manag-uyab, likayan mopasa og mga hubo nga litrato o video aron dili magamit batok kanila ugaling magkalabuan o magkabulag nga sagad usab gamiton sa pagpang blackmail.

Sa mga dating apps o kadtong hilig mangita og partner labi na mga langyaw, doble ang pag-amping tungod basin mailad sa modus asa kwarta gihapon ang mawala.

May mga pamaagi usab sila matumbok ang mga fake accounts, ug sa gustong magreklamo sa mga modus online moadto lang sa PNP Anti-Cybercrime Unit.

Sa karon, may pipila na usab sila ka mga entrapment operation sa pagpang blackmail nga nagmalampuson human midangop sa PNP Anti-Cybercrime Unit ang complainant.

Leave a Reply

Your email address will not be published. Required fields are marked *