Idineklara bilang terorista ng Anti-Terrorism Council ang community doctor na si Dr. Natividad “Naty” Castro ayon sa ATC Resolution No. 35.
Sinabi sa ATC resolution na ang panel na pinamumunuan ni Executive Secretary Lucas Bersamin, nakakita ng probable cause para ideklara si Castro bilang isang “terrorist individual”dahil sa umano’y paglabag sa Sections 6 (Planning, Training, Preparing, and Facilitating), 10 (Recruit, Membership) at 12 (Providing Material Support) ng anti-terror law.
Iginiit din ng ATC na si Castro ay humahawak ng iba’t-ibang mahahalagang posisyon sa Communist Party of the Philippines-New People’s Army-National Democratic Front of the Philippines.
May kinalaman rin umano nito sa “pagbuo, pamamahala at pangangasiwa CPP-NPA-NDF/NDFP funds locally at abroad
Sa pahayag ng ATC, binibigyan nila ng 14 araw si Castro para humiling ng delisting.
Maliban kay Castro, deklarado rin bilang terrorist group ang Al Khobar alyas Al Khobar Group/Al Khobar Salahuddin Hassan Group/Al Khobar Di Hassan/Alkhobar/Alquobar.//CA