Naduea segun ro antigong lingganay (bell) it Batan Elementary School.
Nasayuran nga nagamit pa segun raya it nasambit nga eskwelahan ku nagtaliwan nga dominggo sa andang flag raising ceremony pero makarun hay naduea eon.
Nagpanawagan man ro pamunuan it Batan Elementary School sa sin-uman nga nagbuoe nga ibalik eon raya ag nagpanawagan man sanda sa mga junkshop nga indi pagbak-eon kung may magbaligya kara.
Samtang, kadungan it pagkaduea it kampana hay naduea man ro daywa ka laptop sa Rural Health Unit (RHU-Batan).
Bangud sa insidente hay ginpatuman ro curfew sa mga menor de edad umpisa alas 10:00 it gabii hasta alas 5:00 it kaaganhun. / ANN DESLENE SALAZAR