Apartment sa Barangay Banica ginsulod sang kawatan; P150,000 nga balor sang kagamitan nataban

Nagdangat sa P150,000 nga balor sang kagamitan ang nataban sang kawatan matapos ginsulod ang isa ka apartment sa Mendoza Village, Brgy. Banica, Roxas City sang damlag lang.

Ginkilala ang biktima kay Erma Young, 47- anyos, may asawa kag residente sang nasambit nga lugar.

Samtang ang ginatudlo nga suspek amo si John Carlo Aguas alyas Palos, 15-anyos kag residente sang Tambak, Brgy. 7 sining syudad.

Sandig sa imbestigasyon sang Roxas City PNP, nag-agi sa likod nga porsyon sang apartment kag nagsaka sa pader ang kawatan sa diin natigayon sini nga makuha ang mga alahas kapareho sang gold necklace nga may cross pendant nga ginabanta nagabalor sang P15,000, gold necklace with ruby and sapphire stone pendant nga nagabalor sang P10,000, gold bracelet heart shape nga nagabalor sang P5,000, 2 ka pares sang gold earings nga nagabalor P20,000.00, gray IPad PRO1 2020 nga nagabalor P55,000.00, gray Acer laptop nga nagadangat sa P30,000.00 ang balor, kag Persian cat nga nagabalor sang P15,000.

Mahibaluan nga antes paman ang natabo nga pagpangawat, ginapahayag nga may yara na sang apat ka mga kalalakinhan nga lunsay menor de edad ang nagalagaw sa ila palibot.

Sa karon, padayon pa ang imbestigasyon sang mga kapulisan agud matumod ang iban pa nga kaupdanan sang amo nga suspetsado. | Judy Ann Juare

Leave a Reply

Your email address will not be published. Required fields are marked *