Apat ka mga staff sang provincial capitol positive sa COVID-19, PIO office sirado

Panibag-o nga apat ka mga empleyado kag staff sa kapitolyo probinsyal nagpositibo sa Covid-19 sandig sa kunfirmasyon ni Negros Occidental Provincial Administrator Atty. Rayfrando Diaz II.

Suno kay Diaz, kalakip sa mga ini ang isa ka staff sang PIO ukon Provincial Information Office upod sa tatlo ka mga miembro sang iya nga pamilya, isa ka staff halin sa NOLITC ukon Negros Occidental Language and IT Center  lunsay residente sang ciudad sang Bacolod kag duha ang sa Accounting Office.

Bangud sini ini sila ang gin-quarantine sa Mambukal Resort sa banwa sang Murcia samtang ang bug-os nga staff  sang PIO ginpaidalom sa swab test kahapon nga adlaw samtang ang ila sini nga talatapan ang temporaryo nga ginsira magluwas lamang sa NOLITC bangud isa lamang ka tawo ang na-close contact sang nagpositibo kag ang  accounting nga padayon ang trabaho sang mga empleyado sa rason ang nakitaan sang symptom sang virus may duha lamang ka tawo ang na-close contact sini.

Leave a Reply

Your email address will not be published. Required fields are marked *