Nagapanguna ang mga syudad sang Cadiz, Victorias, Talisay, Sagay kag banwa sang EB Magalona nga nakalambot sa 70 porsyento nga marka sa bahin sang mga pumuluyo nga nakabaton sang ila sini nga first dose kag sa mga fully vaccinated.
Ini ang sandig sa Covid – 19 Performance Evaluation sang probinsya sang Negros Occidental napetsahan Disyembre 10, 2021.
Ang syudad sang Cadiz may mataas nga percent of target para sa 1st dose nagalambot sa 78.42 % nagadangat sa 88,689 ang nabakunahan samtang 36.72 % naman sa mga fully vaccinated nagdangat sa 41,526, ginasundan ini sang syudad sang Victorias nga nagalambot sa 76.18% sa mga nakabaton sang 1st dose sa kabilugan nga 48,961 sang ila sini pumuluyo apang mas mataas sa mga fully vaccinated nagalambot sa 56.58% ukon 36,367.
Samtang, yara sa ika-tatlo nga lugar ang syudad sang Talisay nga may 72.14% sang mga nakabaton sang 1st dose nagalambot sa 53,898 ka mga vacinees kag 38.39% sa fully vacc nagadangat sa 28,685, nagapang-apat ang syudad sang Sagay may 70.00 % of target para sa first nagadamo sang 74,835 kag 37.61% sa mga fully vaccinated nga yara sa 40,209.
Ang EB Magalona amo naman ang banwa nakalambot sa 70 porciento sang target sini nagalambot sa 70.97 % ukon mga 32,641 nakabaton sang 1st dose samtang 46.34% ukon mga 21,313 ka mga fully vaccinated.