Aplinario gisugat og heroes welcome sa City Sports

GISUGAT og Heroes Welcome sa Gensan City Sports Division ang bag-ong kampeon sa boxing gikan sa General Santos City nga si Dave Mark Apolinario, Agosto 10 sa buntag.

Sa paghinabi sa Brigada patrollers kay City Sports Officer Sonnie Sombrio ilang gisugat sa airport pinaagi sa usherettes ug mga opisyal si Apolinario unya gituyok sa sentro sa GenSan unya nidiretso sa City hall alang sa gamay nga programa.

Gipangunahan ni Acting City Administrator Shandee Llido Pestaño ang pag-welcome sa kampeon  in absence sa Mayor.

Gidugang ni Sombrio nga dakong dungog na usab ang nahatag ni Dave Apolinario sa syudad sa Gensan ug sa tibuok nasud pinaagi sa boxing gumikan siya ang nakatala sa laing record sa nasud nga makahupot og bakus human nga nangapildi ang mga kampeon sa Pilipinas.

Kaniadtong Agosto 3 una na nga nag-courtesy call kay Pangulong Ferdinand Marcos unya gipakita usab kini sa usa ka dula sa PBA ug giila ang iyang kadaugan sa IBO Flyweight batok sa African nga si Gideon Buthelezi pinaagi sa knockout sa usa lang ka round.

Si Apolinario adunay record karon nga 17 ka daug ug 12 ka knockout, 23- anyos, natawo sa Maasim, Sarangani Province samtang Sanman Promotions ang iyang promoter nga taga Gensan.

Gidugang ni Sombrio nga ilang gina-awhag  ang konseho nga amendahan ang ordinansa sa Parangal sa mga Atleta gumikan sa technicality sa sanctioning body sa Philippine Sports Authority (PSA) ug Games and Amusement Board (GAB) aron nga mapadali ang paghatag og cash incentives sa mag kampeon. I Ver Diazon