LEGAZPI CITY – Mahigot ngunyan an pigsasagibong monitoring kan Albay Public Safety Emergency Management Office (APSEMO) sa mga lugar na apektado kan shear line na nagdadara nin mga pag-uran na namamatean sa bilog na probinsya.
Segun kay Eugene Escobar, Statistician IV, asin Research and Statistics Division Head kan opisina, padagos an saindang koordinasyon sa mga Disaster Risk Reduction and Management Officers partikularmente sa mga nasa palibot kan bulkan.
Katakod ini sa pig-aantisiparan na posibleng lahar flow hale sa naipong volcanic materials durante kan pirang bulan na pag-aalburuto kan Mayon.
Pig-abisuhan man ni Escobar an mga concerned Local Government Units na padagos na magmonitor sa abiso kan PAGASA.