Nag-engkwentro og 15 minuto ang mga tropa sa 3rd Infantry Battalion ug kapin kun kulang walo ka indibidwal nga gituohang myembro sa Platun Bagsik, Guerilla Front Malayag, North Central Eastern Mindanao Regional Committee (NCEMRC) sa NPA ubos ni Dante Cuyos sa Sitio Liptong, Brgy. Lumintao, Quezon sa Bukidnon kaniadtong Huwebes, Abril 29, 2021 pasado alas 4:15 sa hapon.
Narekober sa tropa militar ang 3 ka armas, usa ka improvised hand grenade, medical paraphernalia, mga bala, ug subhersibo nga mga dokumento.
Walay gikataho nga samaransa han-ay sa kasundalohan samtang wala matino kon dunay namatay sa panig sa kaaway diin ang grupo gikataho nga ni-atras padulong sa usa ka Barangay sa Quezon, Bukidnon.
Tungod niini, ang tanang patrol nga nakabase sa Bukidnon ubos sa 10th Infantry Division naa sa taas nga alerto sa posible pag-atake sa kalaban kung asa ang tropa nagpadayon sa ilang pursuit operation batok sa mga rebelde.
