Pursigidong kasohan sa mister og Adultery ang maluibong asawa human aktong nasakpan nga nagpa-remedyo sa batan-ong ulitawo diha sa usa sa mga lodging house ning siyudad sa Butuan, pasado alas – 9:45 kagabii.
Ang reklamanteng bana mao si alyas Mario, 50 anyos, taga – Surigao City samtang ang maluibong asawa mao si alyas Marites ug ang kabit sa asawa nga si alyas Junjun, 34 anyos.
Gikabutyag ni PEMS Rey Gabriel Maderal, ang tigpamaba sa Butuan City Police Station, nagpatabang ang mister kanila human nakomperma nga nisulod ang asawa sa usa ka lodging house kuyog ang usa ka lalaki hinungdan nga daling girespondihan.
Nasakitan, nadismaya, ug nasuko pag-ayo ang mister human aktong nasakpan ang asawa nga malipayong nagpa-remedyo ngadto sa kabit samtang siya nagsud-ong uban ang niresponding mga pulis.