Asawa sa napatay nga kumander sa teroristang grupo, sikop sa kapulisan

Sikop sa operatiba sa PNP-Regional Intelligence Unit ang usa sa asawa sa namatay nga lider sa teroristang grupo nga Ansar Al-Khilafah Philippines sa Barangay Poblacion, Kiamba, Sarangani.

Giila ni PLt. Col. Narciso Langcauon, RIU-12 regional chief, ang dinakpan nga si Marife Maguid, asawa ni Mohamad Jaafar Maguid alias Commander โ€˜Tokboyโ€™ nga lider sa AKP nga usa ka ISIS-inspired nga teroristang grupo nga naglihok sa South Cotabato-Sarangani-General Santos area.

Kahinumduman nga si Maguid napatay human misukol sa mga otoridad nga miaresto kaniya sa usa ka sa beach resort sa Kiamba, Sarangani kaniadtong 2017.

Si Marife gisikop pinasikad sa warrant of arrest nga gipagawas ni Regional Trial Court Judge Oscar Noel sa kasong iligal nga droga ug pagtago og bomba human nga gironda sa mga kapulisan ang iyang balay.

Ang grupo nalambigit matud pa sa nagkadaiyang krimen.

Dugang report, dugay na usab matud pang gipanid-an sa Philippine Drug Enforcement Agency (PDEA) 12 si Marife.

Kasamtangang himas puthaw sa kapulisan ang nadakpan nga suspetsado.

Photo courtesy: GSCPO

Leave a Reply

Your email address will not be published. Required fields are marked *