Nagrereklamo ang ilang mga miyembro ng Isabela Green Ladies Organization ng lungsod ng Cauayan matapos umanong binawasan ang kanilang natanggap na ayuda mula sa Department of Labor and Employment Region 2.
Sa natanggap na reklamo ng 92.9 Brigada News FM Cauayan, binawasan umano ng 2,000 pesos ng mga kapitana at presidente ng kani-kanilang IGLO Barangay Chapter ang kanilang natanggap na ayudang 5,000 mula sa DOLE.
Paliwanag ng mga ito, ilalaan umano ang kinuhang ayuda sa pondo ng kanilang organisasyon at ang ilan ay para sa kanilang kooperatiba na pwedeng utangin ng mga myembro nito.
Dagdag pa dito, mayroon umanong kasunduan ang DOLE Region 2 at ang COOP IGLO kaugnay rito. Ayon sa mga nagreklamo, wala naman umanong ganoong usapan nang sila ay pumirma ng form noong April 2021.
Sa naging panayam ng 92.9 Brigada News FM Cauayan kay Chester Trinidad, Information Officer ng DOLE Region 2, wala umanong agreement ang kanilang tanggapan at COOP IGLO dahil ang kanilang ibinibigay ay bahagi ng kanilang Bayanihan Act 2 na makakatulong sa mga small business.
Sinubukan naman na kunin ng 92.9 Brigada News FM Cauayan ang panig ng COOP IGLO at ayon sa kanila, saka lamang silang magsasalita kung haharap ang mga nagreklamo sa kanilang tanggapan upang maliwanagan ang mga ito.
Sa ngayon ay magsasagawa ng pagpupulong ang naturang organisasyon kasama ang mga presidente ng iba’t-ibang barangay chapter upang talakayin ang usaping ito.
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…