Babaeng nagpa “eyebrow tattoo procedure” sa Thailand, inireklamo ang beauty clinic matapos gawing apat ang kanyang kilay

“NAKAMURA nga, pero napahamak ka naman”

Iyan ang tila naranasan ng isang babae sa bansang Thailand matapos niyang subukang sumailalim sa ‘eyebrow tattoo procedure’ sa isang beauty clinic sa Rayong province ng nasabing bansa.  

“Kilay is life” nga naman para sa mga kababaihan kung kaya’t agad na nagbayad ng halagang 1,500 Baht o katumbas ng P2,300 ang ginang na si Niprapon Meeking para mas mapaganda ang kanyang kilay.

Ganunpaman, sa halip na ikatuwa at ikaganda niya ang resulta, labis siyang nadismaya makaraang tila dumoble ang kanyang kilay matapos itong iguhit ng tattoo artist sa itaas  ng kanyang orihinal na kilay.

Matapos mag reklamo, pinangukuan siya ng pamunuan ng clinic na aayusin ang kanyang kilay ngunit nang muli niya itong puntahan, sarado na ang naturang klinika.

Nag viral sa social media ang kwento ng babae kung kaya’t mayroong nag-magandang loob na ayusin ang kanyang kilay upang bumalik ang kanyang kumpiyansa sa sarili.

Paalala ng mga eksperto, huwag papatulan ang mga iniaalok na bagsak presyong beauty procedures at kumonsulta at magpagawa lamang sa mga lehitimong beauty expert.### JDR, BNFM BICOL

Leave a Reply

Your email address will not be published. Required fields are marked *