Babaye, napalga’ng dugta sa ilawom sa tulay

DUGTA nang napalgang ang lawas sa usa ka babaye alas: 3-45 sa hapon ilawom sa tulay sa Purok Cabu, Bawing, General Santos City, Domingo.

Giila sa rekord sa Tambler Police Station ang babaye nga si Camely Hadchick, kini nailhan base sa nakuhang Person’s with Disability (PWD) identification card ug kini ang taga Valenzuela City, Metro Manila. Saysay ni Cristine Joy Villarosa, mangihi unta kini dihang nakatimaho og buho, dihang gisundan ang baho didto na nakita ang nadugta nang patay’ng lawas sa babaye.

Matud ni Police Major Ian Bagot, hepe sa presinto, unang gikataho nga missing ang babaye atong Marso 27,2023 alas-11 sa gabii,bag-o napalgang patay.

Sa nahipos usab nga impormasyon sa kapulisan, na-diagnosed nga dunay ‘bipolar disorder’ ang nasangpit 15 katuig na ang milabay ug gipailawom na kini sa medikasyon. Wala usab nakita nga foul play ang kapulisan sa kamatayon sa nasangpit nga babaye, butyag ni Bagot. I Richel Gubalani

Leave a Reply

Your email address will not be published. Required fields are marked *