PATAY ang usa ka babaye human misukol sa kapulisan atol sa gilusad nga drug buy bust operation sa mga gingsakpan sa Talomo Police Station sa Purok 44, Sitio Guadalupe Village, Catalunan Grande, ning syudad.
Sa imbestigasyon, human nga kumpirmadong napalitan sa nagpaka aron ingnon nga pulis ang suspek og usa ka pakete sa gituohang shabu, nakabantay kini nga pulis ang iyang gikatransaksiyon.
Mibunlot ang suspek nga nailang si Alyas Chen sa iyang armas gikan sa iyang sling bag ug gipusil ang pulis, nakahimo sa pagbalos ang pulis, hinungdan sa naangkon niini nga samad.
Gidala pa nila kini sa SPMC apan gideklarang dead on arrival (DOA) sa iyang attending Physician.
Nakuha sa crime scene ang usa ka unit sa Homemade .9mm revolver nga giundan sa duha ka bala.
Samtang, narekober sab sa imbestigador nga si PCpl Mark Anthony Refugio gikan sa posisyon sa namatay nga suspek ang tulo ka pakete sa gituohang shabu, black sling bag, ug cellphone.
Gibana-banaan nga mutimbang sa 2.58 gramos ang nasangpit nga ilegal nga droga nga dunay street market value nga Php 17,544.