“Back to square one”, ini ang ginpahayag ni Bacolod Liga ng mga Barangay President kag Taculing Punong Barangay Councilor Lady Gles Gonzales – Pallen kasunod sa liwat nga pagsaka sang Covid Infections sa bug-os nga dakbanwa.
Ginpaalinton ni Pallen wala man sang may natabo nga pag-untat sa bahin sang Covid Operation sa mga barangay sa diin padayon man sa gihapon ginapatuman ang seal – off partikular sa lugar may yara sang Covid positive ilabi na sa mga dalagko nga barangay sa Bacolod.
Bangud sang padayon nga pagsaka sang kaso, sun okay Pallen tatlo ka pilo ang manpower sa karon, kun ikumparar sa nakaligad, nga isa lamang ka team ang in-charge sa seal off kag monitoring.
Dugang pa ni Pallen may ginpatigayon nga pag-iban sa kadamu-on sang mga miembro sang Barangay Health Emergency Response Teams ukon BHERTs agud sa sina hatagan sang pagtamod ang padayon nga pagpangbakuna sang ciudad .