Nagpanumpa na sa talatapan ni Roxas City Mayor Ronnie Dadivas ang bag-o nga Barangay Kapitan sang Brgy. Balijuagan kag Brgy. Tanque sang damlang lang.
Nahibaluan nga duha ka barangay ang nadulaan sang lider bangud sa pagtaliwan sang ila Kapitan.
Gintal-usan ni Kagawad Ricky de Domingo bilang Kapitan sang Balijuagan ang nagtaliwan nga si Kapitan Rey Afloro.
Gin-updan siya nanday Kagawad Avelino Aninacion kag Kagawad Rogelio Abella bilang witness sa iya pagpanumpa.
Nagsumpa man si Kagawad Vicente Acapuyong bilang Kapitan sang Barangay Tanque tal-os sa nagtaliwan nga si Kapitan Hermie Dillo.
Siya gin-updan nanday Kagawad Teresita Delos Reyes, SK Chairperson Christian Bitoon, iban pa nga nagatrabaho sa Barangay kag bana ni Kap. Dillo nga si Ronie Dillo.
Nagalaom naman si Mayor Dadivas sa ila aktibo nga pagserbisyo sa ila barangay, suporta kag partisipasyon sa mga programa kag aktibidad sang aton syudad. | Judy Ann Juare