Nagpatigayon sang inspeksyon sa Sanitary Landfill ang mga katapo sang Environmental Management Bureau sang Department of Environment and Natural Resources (DENR) Capiz sa pagpanguna ni EMB Capiz Head Engr. Marlon Bonite.
Ang nasambit nga inspekyon ang may kaangtanan sa ginapahamtangan sang bag-o nga High Density Polyethylene (HDPE) sa Sanitary Landfill sa Barangay San Jose, Roxas City.
Ginalantaw sang EMB kon nasunod ang standard kag requirement kapareho sang kalaparon kag kadamulon sang HDPE kag pagpasigurado nga matabunan sang maayo ang duta nga ginasudlan sang basura agud indi makontaminar sang anuman nga kemikal ukon waste materials ang tubig sa mga lugar sa palibot sang landfill.//END