Ginbendisyonan na ang bag-o nga heavy equipments sang probinsya subong nga adlaw.
Gintambongan ini ni Governor Fredenil Castro, kaupod ang mga katapo sang Provincial Engineering Office (PEO) sa pagpanguna ni Provincial Engineer Nelva Adricula kag Deputy Provincial Administrator sang 1st District, Ricky Martin.
Ang mga heavy equipments ang ginalakipan sang 2 ka unit sang Dump Truck (6 wheeler), 1 unit Dump Truck (10 wheeler) kag tig- isa ka unit sang Motor Grader kag Road Roller.
Ginhimud-usan sang gobyerno probinsyal nga mabakal ang nasambit nga mga equipments agud gamiton sa rehabilitasyon sang mga dalanon sa bug-os nga probinsya sang Capiz nga isa sa ginahatagan sang prioridad ni Gov. Castro para sa maayo kag masulhay nga pagpanglakaton sang pumuluyo.