Bag o nga In-Patient Therapeutic Care-Room ha NSPH, gin-abrehan na

Pormal na gin-abrehan han Provincial Government an bag o nga In-Patient Therapeutic Care-Room dida han Marso 14 ha Northern Samar Provincial Hospital (NSPH).

An Therapeutic Care Room, an pinakabag o nga kadugangan nga pasilidad han provincial health facility nga gin-alotaga para ha panambalan ngan paglikay ha severe acute malnutrition ngan kapareho nga komplikasyon, labi na ha mga kabataan.

Ginpangunahan an inagurasyon ngan pagbasbas ni Rene Gerald Galera han UNICEF kaupod hira ha Dr. Ninfa Kam, Provincial Health Officer II ngan NSPH OIC Chief; Dr. Florlinda Bugna han NSPH Pediatric Department, Dr. Joseph Estanislao, NSPH Chief of Hospital I; Ms. Lilia Varela han PPDO, ngan iba pa nga mga staff han PHO-NSPH ngab PGNS.

Samtang umatindir gihapon hi DOH Asec Lorraine Ho nga naghatag hin mensahe ha virtual nga pamaagi.

Naging posible an nasabi nga pinakabag o nga improvement han Northern Samar Provincial Hospital ha pamaagi han pakikipagbinuligay han Provincial Government ha Department of Health ngan UNICEF.

Leave a Reply

Your email address will not be published. Required fields are marked *