Bag o nga public market, gin-abrehan na ha Tomas Oppus

Malinampuson nga gindumara an Grand Opening han bag o nga public market dida han Abril 10, 2023 ha Barangay Banday, Tomas Oppus, Southern Leyte.

Ginpangunahan an pag-abre ni Mayor Jessica EscaƱo-Pano, Vice Mayor Nicanor Tahup ngan mga miyembro han Sangguniang Bayan, mga opisyal han barangay ngan mismo mga tag-iya hin stall.

Igbabatag-batag kada stall ha mga magtirinda hin utanon, mga karne ngan iba nga mga produkto.

Malipayon naman hi Mayor Pano matungod deri na kinahanglan bumiyahe an iya mga mulopyo ha Sogod o Maasin para la mamalit han ira panginahanglanon.

Mababaruan nga pag-gugubaon na an daan nga merkado ngan mga stall kun diin babalyuan ini hin mga nagtitinda hin manok ini in subay ha Municipal Planning and Development Coordinator han Tomas Oppus.

Gintikangan an pagtitindog hin bag o nga Public Market ha mao nga bungto dida han 2020 nga mayda gin-alotaga nga pondo maabot P50 milyon.

Leave a Reply

Your email address will not be published. Required fields are marked *