Bag-ong ekipo nga Mobile Surgical Unit gipalit sa lokal nga panggamhanan sa Mati City aron makahimo og pagpang- opera sa mga hilit nga lugar sa dakbayan

Mipalit ang dakbayan sa Mati LGU ug bag-ong mobile surgical vehicle unit nga makahimo sa operasyon sa lagyong mga barangay o makatubag sa mass casualty situations.


Ang P16 milyones nga Mobile Surgical Unit maoy laing dugang sa nagkadako nga fleet sa medical service vehicles sa City Health Office nga gipangulohan ni Dr. Ben Hur Catbagan Jr.


Matud ni Catbagan nga ang surgical mobile unit usa ka ten-wheeler truck nga adunay mga himan sa pag-opera. Ang yunit mahimo usab nga paspas nga ma-deploy ingon usa ka advanced nga medikal nga post sa mga sitwasyon sa mass casualty, ug mahimo kini nga i-integrate sa usa ka field hospital alang sa surgical procedures.


Dugang pa, sa mga panahon nga wala’y emerhensiya, ang Mobile Surgical Unit ipakatap alang sa surgical ug medical outreach nga serbisyo.


Si Mayor Michelle Nakpil Rabat niingon nga ang bag-ong Mobile Surgical Unit usa ka testamento sa pasalig sa Mati City Government sa recovery ug resiliency pag abot sa natad sa panglawas.


Ang mga operasyon sa Mobile Surgical Unit ipahigayon sa pakigtambayayong sa mga espesyalista gikan sa pribado ug gobyerno nga sektor, ubos sa konsepto sa Health Care Provider Network sa Universal Health Care Act o RA 11223.


Gawas sa Mobile Surgical Unit, ang City of Mati LGU daan ng nipalit og 7 ka ambulansya, 1 ka dental mobile, 1 ka van ug 1 ka mobile Xray vehicle alang sa emergency medical service operations ingon man alang sa geographically isolated and disadvantaged areas (GIDA).

Leave a Reply

Your email address will not be published. Required fields are marked *