GISAAD sa bag-ong labaw sa Police Regional Office (PRO) 12 ang pagsistina sa pagtubag sa kriminalidad, terorismo ug iligal nga droga.
Matud ni BGen. Alexander Tagum, bag-ong regional director sa PRO-12 sa tabang sa mga punong ehikutibo ug ‘force multiplier’.
Matuldukan ang maong mga problema aron magpabilin ang kahapsay ug kalinaw sa lokalidad.
Dugang ni Tagum, nakab-ot na sa Soccsksargen ang tumong sa pagpahapsay sa rehiyon.
Apan hagit alang kaniya ang pagpabilin sa ‘Peace and Order’ sa rehiyon labi na sa taliabot nga national ug local election sa May 2022.
Hinungdan nga nanawagan kini sa publiko nga makigtinabangay sa kanunay kapulisan.
Una nang, gibutyag ni BGen. Michael John Dubria ang kanhi director sa PRO-12, sa iyang usa katuig ug lima ka bulan nga paglingkod.
Mokabat sa gatusan ka sakop sa New People’s Army (NPA) ang mitahan, pipila ka sakop sa ISIS- inspired group ang nasikop.
Liboan ka most wanted sa rehiyon ang nadakpan samtang liboan ka indibidwal ang nasikop sa anti-illegal drugs operation.
“I will count on all friends among the political leaders in the region to help us achieve our objectives of maintaining the peace and order in their respective localities, “asoy ni Tagum. – Richel Gubalani