NIABOT na sa Zamboanga Del Sur Medical Center ang duha ka unit sa Portable Transport Ventilator nga mao na unyay mutabang sa mga pasyente nga buot e-byahe o e-balhen ngadto sa lain nga Hospital. Matud ni Dr. Natskie Cagampang nga ang Portable Transport Ventilator makahatag ug insaktong hangin ngadto sa pasyente, tungod mukuha usab kini ug hangin sa gawas sama sa Oxygen Concentrator ug e-produce sa tangke, rason nga dili na kini kalas og OXYGEN.
Gibutyag ni Dr. Cagampang nga kayang magamit sa indibidwal ang maong Ventilator hangtud na sa pulo ka oras, gitino ni Cagampang nga pinaka-una kini nga machine sa lalawigan Zamboanga Del Sur ug kaya na kaayu sa hospital nga mu-transport ug pasyente nga dili na mugamit sa ambulansya nga adunay naka-install nga ventilator kon asa mas gamay ang Portable Transport Ventilator kong ikumpara sa daan nga ventilator. Hisayran nga mubalor sa 1.3 milyones ka pesos ang kantidad sa usa ka set kada unit sa PTV ug mukabat sa 2.6 milyones ka pesos ang duha ka set niini, ug gikuha ang pondo niini sa PDRRMO pina-agi sa Quick Response Fund alang sa COVID-19 Situation.
Gitino sa Chief sa Hospital nga niabot ang PTV machine tungod sa panahon nga nakita sa mga Doctor sa pagsugod sa serge sa COVID-19 daghan sa mga pasyente ang kinahanglan nga e-balhin ilabi na kadtong mga nagtinga, apan lisod para sa hospital nga e-transport sila tungod wala sila niini kaniadto. Gibutyag ni Dr. Anatalio Cagampang, gi-train na usab ang mga Respiratory Therapist ug EMT aron maoy magdumala sa Portable Transport Ventilator kon PTV. (105.7 Brigada News FM Pagadian)
