Bag-ong ungang eapsag, nagpositibo sa COVID-19 sa banwa it Madalag

KALIBO, AKLAN—Nagpositibo sa coronavirus disease 2019 (COVID-19) do sangka bag-ong ungang eapsag nga babae nga taga-Madalag, Aklan.

Do nasambit nga eapsag nga may “unknown exposure” hay do pinakabatang nailista nga natapnan it deadly virus base sa ginpaguwa nga datos it Aklan Provincial Epidemiology and Surveillance Unit (PESU) kahapon.

Kung madumduman, ku July 13, 2021 do banwa it New Washington hay nakalista man it bag-ong ungang eaeaki ag babaye nga nagpositibo sa virus.

Samtang, humampak eon sa 6,736 do kumpirmadong kaso sa Aklan matapos madugangan kahapon it 161 new cases, do mga nagmaeayad hay nadugangan man it 148 dahilan para umabot sa 5,315 do total recoveries ag nagapabilin man sa 140 do COVID-19 related deaths. // SHERRY ANNE REUNIR-VIDAL

Leave a Reply

Your email address will not be published. Required fields are marked *