Bagong Municipal Hall at Public Market ng Tumauini, Isabela, pinasinayanan

Pinasinayanan ngayong araw ang bagong Municipal Hall at bagong walong building ng pampublikong pamilihan ng Tumauini Isabela.

Pinangunahan ni Tumauini Mayor Arnold Bautista ang naturang inagurasyon katuwang ang iba pang opisyal ng lokal na pamahalaan. Personal din na dumalo si DOLE Secretary Silvestre Bello III kasama sina Isabela Vice Gov. Bojie Dy, Cong. Tonypet Albano at LPGMA Partylist.

Ayon kay Mayor Bautista, nasa 150 million pesos ang inilaang pondo para sa konstruksyon ng bagong 8 building ng Tumauini Public Market.

Habang ang pondo naman ng bagong municipal hall ng bayan ay mula sa pondo ng LGU, kay Sen. Tito Sotto III at Pamahalaang Panlalawigan ng Isabela.

Aniya, sa bagong munisipyo na isasagawa ang mga opisyal na transaksyon at wala nang magtutungo pa sa dating gusali.

Dagdag pa ng alkalde, ang dating municipal hall ng bayan ay magiging opisina ng ng Women’s Sectoral Representative, DepEd Isabela at Congressional District office.

Samantala, nangako naman LPGMA Partylist at PGI na magbibigay ang mga ito ng assistance upang makumpleto na ang Tumauini Astrodome.

Leave a Reply

Your email address will not be published. Required fields are marked *