Partially burned ang isa ka balay matapos ang nagluntad nga sunog sa Railway St., Brgy IX, Roxas City.
Ginkilala ang tag-iya sang balay kay Eleonor Carreon, 48-anyos residente sang nasambit nga lugar.
Sandig sa Roxas Component City Police Station, nagpadulong sa ila estasyon si Carreon agud ipabalhag ang natabo nga sunog sa ila balay sadtong Dominggo, Abril 15.
Suno kay Carreon, nagikan siya sa iya trabaho kag sang nakapauli na naabtan nalang sini nga nasunog na ang ila kusina sa diin madasig sini nga ginsalbar ang iya mga anak kag madasig nga naguwa sa ila balay.
Bangud sa natabo, partially burned ang ila puluy-an kag ginpakamaayo nalang sini nga ipabalhag sa kapulisan. | Judy Ann Juare