Dakop sa akto sang isa ka Barangay Tanod ang menor de edad nga kawatan matapos ginsulod sini ang iya balay sa Barangay Cagay, Roxas City.
Sandig sa ginpabalhag sang tanod nga si Ronald Amoyan, nabugtawan nalang sini nga yara na sa sulod sang ila kwarto ang 15-anyos nga lalaki kag nagapang-ukay sang ila mga kagamitan.
Bangud dire, gindala ni Amoyan sa Roxas City Police Station ang menor agud i-report.
Samtang, ginturnover man ini sa City Social Welfare and Development Office (CSWDO) para sa nagakaigo nga disposisyon. | Judy Ann Juare