Nataban sang wala pa makilala nga kawatan ang masobra 165,000 nga balor sang kagamitan matapos nga gin-ransak ang balay sang isa ka court sheriff sa Brgy. Banica, Roxas City.
Sa impormasyon gikan sa Roxas City PNP, nakabaton sila sang tawag halin kay Ermin Serrano, 53-anyos, nga ginsulod sang kawatan ang iya sini puluy-an.
Base sa imbestigasyon, ginsaka sang suspek ang pader sang balay kag nag-agi sa likod nga parte kung sa diin iya sini ginsamad ang pirtahan kag ang window grills.
Ginsamad naman sini ang door knob sang master’s bedroom kung sa diin nakakuha ini sang tsansa nga mataban ang mga kagamitan.
Samtang ginwasak naman sini ang mga CCTV nga yara sa sulod kag guwa sang balay kag ginkuha ang mga memory cards.