Balay sang pastor sa banwa sang Pres. Roxas, nakuhaan sang armas-luthang kag granada

Natigayon nga marekober sang mga awtoridad ang armas luthang kag granada sa sulod sang balay ni Pastor Juanito Castillo Jr. alyas ‘Pastor’ nga subject sa implementasyon sang search warrant sa Sitio Bonbon, Barangay Ibaca, President Roxas, Capiz.

Narekober sa paghinakop ni Castillo ang 1 unit sang caliber .45 nga armas-luthang, 1 steel magazine, 5 live ammunition, hand grenade kag 17 ka basiyo sang caliber .45 pistol.

Ang search warrant ang gin-isyu ni Judge Lorencito Diaz, sang RTC, Branch 17, Roxas City napetsahan Marso 21, 2023.

Ginpatigayon ang nasambit nga operasyon sang gintingub nga pwersa sang CIDG-Capiz ,President Roxas PNP kag Provincial Mobile Force Company.