Balut park vendors sa Brgy. Baluan naputlan og linya sa kuryente

NAGKA PROBLEMA sa ilang bayrunon sa kuryente ang mga balut vendors sa Balut park sa Barangay Baluan.

Sumala kay Fe Buenvenida nga ang ilang bayrunon sa pagkakaron anaa sa P130,000 ug dili kaya sa upat ka mga vendors nga nabilin sa pagpaninda sa Balut park,mao nga ilang ginapaningil ang kanhi nila nga prsedente sa grupo nga si Mary Jane Intila kay aduna daw kini batal sa ilang bayrunon sa kuryente ug lain pa nila nga kauban nga niundang na usab og paninda.

Sa bahin sa ilang presidente nga si Mary Jane Intila, gisulti niini nga 2022 pa siya niundang kay hinay na ang ilang kita unya daku ang bayrunon sa kuryente.

Gidugang ni Intila nga kabahin sa kwarta nga wala niya nabayad sa kuryente kaniadto nahusay na daw kini sa baranagay, nabayaran na daw niya kini pinaagi sa iyang kagamitan sa pagluto.

Ang gidudahan daw niini nga makapadaku sa ilang bill sa kuryente mao ang tulo ka fountain unya unya nagabayad usab sila sa pagpabutang og tubig niini nga moabot sa P13,000.

Sa bahin sa kapitan sa Barangay Baluan nga si Armando Diamante gisulti niini nga dugay na nga wala gaandar ang fountain kay may kinahanglan ayuhon.

Wala usab daw nagsulti kaniya ang mga balut vendor nga nagkaproblema sa pagbayad sa ilang kuryente,

Gidugang ni Kapitan Diamante nga siya ug ang iyang mga konsehal maghimo og maayo nga plano alang sa Balut Park, gipasalig niini nga ilang sulbaron sa taga barangay ang nigawas nga problema sa mga vendors.

Kahibaluan na gi ablihan ang Balut Park kaniadtong December 23, 2021. I Ver Diazon