BANA NASAKPAN ANG IYANG ASAWA NGA NAKIG-RELASYON SA IYANG BAYAW

DESIDISDO ang usa ka bana nga pasakaan og kaso ang iyang kaugalingong asawa human nga nasakpan niining nakig live-in sa iyang bayaw ug gituohang adunay relasyon.

Alas 11:30 ang takna sa buntag Abril 29, 2023 sa dihang masakpan sa bana nga si Alyas Niel nga usa ka tricycle driver ang iyang asawa nga si Alyas Jen nga anaa sa sulod sa pinuy-anan sa iyang bayaw nga si Alyas Poi nga usa ka vendor sa Purok 2 Barangay Tinagacan Gensan.

Sumala pa nga iyang nakita sa mismong pultahan sa panimalay ni Poi ang mga personal nga gamit sa iyang asawa nga siya mismo ang nipalit niini. Sa unang higayon, gihimakak pa sa lalaki nga anaa sulod sa iyang pinuy-anan ang asawa ni Niel apan sa wala nagdugay, nasakpan niyang nag tapad natulog ang duruha sulod sa ilang lawak ug naka suot pang tulog ug nagpuyo nga mura na’g mga magtiayon. Human masakpan, gilayong nangayo og tabang ang bana ngadto sa kapulisan aron ipadakop ang iyang asawa ug iyang bayaw.

Mireponde ang kapulisan ug didto nabulabog ang pagpuyo sa mga nahisgutan. Nasayrang dugay nang nakadawat og mga impormasyon ang bana nga kanunay nga mag uban ang duruha apan wala lamang niya panumbalinga sa pagtuo nga gatrabaho isip stay in house helper ang iyang asawa ug sa kagustohang siya mismo ang makasakop sa binuhatan sa iyang asawa.

Kasong adultery ang ipasaka nga kaso sa bana ngadto sa iyang asawa dungan usab sa pagpasaka og kaso ngadto sa iyang bayaw. I MJ Fernandez

Leave a Reply

Your email address will not be published. Required fields are marked *