CEBU -Gi-andam na sa kapulisan ang kasong adultery ug concubinage batok sa usa ka lalaki ug kabit niini nga gipadakop sa asawa sulod sa usa ka hotel sa Barangay Tipolo, dakbayan sa Mandaue.
Usa ka 50-anyos nga ginang ang nagpatabang sa kapulisan human niya mahibaw-an nga ang iyang 51-anyos nga bana ug ang 58-anyos nga uya-uyab niini nga menyo usab, nag-check in sa usa ka hotel.
Giingong desidido ang asawa nga mupasaka ug kaso batok sa duha ka dinakpan.
Ang bana nagdumili sa pagtubag sa mga pangutana samtang ang babaye nangayo og pasaylo sa asawa sa lalaki.//