Sangka bangkay it sangka eaeaki ro nasapwan kainang kaaganhun it mga mangingisda sa baybayon nga sakop it Brgy. New Buswang, Kalibo, Aklan.
Ginaboebanta nga sa 30 to 35 anyos ro pang edaron it nasambit nga bangkay nga habok eon ro eawas ag naga eutaw nga nasapwan.
May nakahigot pa kara sa anang hawak nga pamato nga sangka plastic bottle it mineral water nga puno it baeas.
Insigida man nga nagresponde ro mga katapo it MDRRMO Kalibo ag Kalibo PNP.
Sa makarun hay padayun pa ro imbestigasyun it mga otoridad sa insidente ag sa identity it bangkay. / ANN DESLENE SALAZAR