Natagpuan ang bangkay ng isang hindi pa nakikilalang lalaki sa gilid ng kalsada ng Barangay Castañas, Sariaya, Quezon nitong Biyernes, Hunyo 28.
Ayon sa report, nakagapos umano ang kamay ng biktima gamit ang nylon cord at may tama rin ng bala sa likod.
Hindi umano kilala ang biktima sa nasabing barangay kung kaya ipinapalagay pinatay ito sa ibang lugar at itinapon lamang sa Sariaya, Quezon.
Sa ngayon, patuloy ang isinasagawang malalimang imbestigasyon ng mga awtoridad hinggil sa insidente.