Binuno patay ru sangka construction worker matapos pag tripan it kapareho construction worker sa Brgy. Tigayon, Kalibo, Aklan.
Sa imbistigasyon it BRIGADA News FM Kalibo, nakilaea ru biktima nga si Jonrel Arias, 25 anyos ag residente it Brgy. Tinigao, Kalibo samtang ru suspek hay nakilaeang si Rickly Lobrique, 34 anyos it Brgy. Mercedes, Madalag, Aklan.
Suno sa suspek, naga inuman sanda sa sangka baraka sa lugar kat gin sombilan it “batchoy” ag ikara nag-umpisa ru mainitan nga diskusyon.
Kaibahan sa pag-inuman sanday Eric Torres it Brgy. Aslom, Ibajay ag Ramonito Fuentes nga taga-Sapi-an, Capiz.
Una nga binunaean it bote sa ueo ru suspek rason nga umuli sa barracks ag nag buoe it siyaw dayon binalikan ru biktima ang bun-on.
Naka angkon it 3 tamat pagbuno sa dughan, abaga ag kilid nga parte it kaeawasan ru biktima dahilan it pagkamatay.
Nagpakitabang pa ru 2 mga kaibahan sa baeay it sangka pulis nga maeapit sa insidente rason nga tumawag sa Kalibo MPS ag dayon gin respondehan.
Nkaitang naka handusay eon sa eogta ru biktima rasonnga eaging gin daea sa hospital apang gin deklara it doctor nga dead on arrival.
Madasig man nga naka paeagyo ru suspek sa lugar apang ku ulihi hay nag surrender sa Malinao MPS daea ru 14 inches nga siyaw nga gin gamit it suspek.
Samtang, na aresto ru suspek sa gin himo nga man hunt operation it Kalibo MPS.
Sa makaron,, presenting naka kulong ru suspek sa nasambit nga PNP Station.//MARIVIC Y. ILIN