Itinuturing ng mga pugante sina dating Bureau of Corrections Chief Gerald Bantag at dating Deputy Officer Ricardo Zulueta.
Sa isang panayam, sinabi ni PNP Public Information Office chief Police Colonel Redrico Maranan, pinaghahanap ng mga awtoridad sina Bantag at Zulueta kasunod ng inilabas na warrant of arrest laban sa kanila.
Magkasunod na naglabas ng warrant ang Regional Trial Courts ng Las Piñas at Muntinlupa kaugnay ng pagkamatay ng broadcaster na si Percy Lapid, at ang sinasabing middleman sa pagpatay na si Jun Villamor.
Nagpapatuloy ang manhunt operations sa Bulacan at Caloocan para sa mga umano’y sangkot na indibidwal, kung saan sinabi ng PNP na ang mga warrant ay hindi ikinokonsiderang isinilbi maliban kung sila ay personal na naihatid sa mga kinauukulang indibidwal.
Parehong kinasuhan noong nakaraang buwan sina Bantag at Zulueta ng 2 counts of murder kina Lapid at Villamor.
