Bantay it Hacienda, patay kat binaril it kaibahan sakay it motorsiklo

Indi pa matukoy it pulisya ro motibo sa pagpatay sa isaeang watchman it hasyenda nga pinagbabaril it indi pa nakikilaeang kaibahan samtang sakay sanda it motorsiklo sa Barangay Minapasok, Calatrava, Negros Occidental makarang Miyerkules.

Ro mga labi ni Ely Marcellana, 45, it Barangay Hinab-ongan, hay nakit-an it mga opisyal it barangay pagkahin-aga.

Hinambae ni Police Major Lumyaen Lidawan, hepe it pulisya it bayan it Calatrava, nga binaril it maeapitan si Marcellana it anang kaibahan kat makaabot sa kinatabuan it krimen.

Nakaangkon ro biktima it mga tama it bala sa ueo ag itsura, samtang ro ssupek hay tumakas sakay it ginamanehong motorsiklo it biktima, hambae ni Lidawan.

Narekober it pulisya sa kinatabuan ro daywang basyo it umano’y bala it kalibre .9mm.

Hinambae man ni Lidawan nga uwa pa sanda it lead sa pagkakakilanlan it gunman.//LABYRINTH R. BAYONA

Photo credit: Calatrava Municipal Police Station

Leave a Reply

Your email address will not be published. Required fields are marked *