Nakumpiska it Bantay Karne ag ASF Task Force ru ginabana-banang 70 kilos nga lechonong baboy sa check point matapos eomabag sa tamang proseso sa Brgy. Estancia, Kalibo, Aklan kaina’t alas 8:00 it agahon.
Suno kay Dr. Janna Rose Nepomuceno, Veterinarian Local Government Unit- Kalibo, naka heightened alert sa makaron ru municipalidad it Kalibo sa tanan nga naga sueod nga mga alagang baboy dahil sa African Swine Fever (ASF) nga nakasueod eon sa probinsya.
Kinahangean nga sa slaughter house paga katayon ru baboy dahil kun sa backyard eamang hay klarong uwa mag-agi sa slaughter house ag makabig nga hot meat o uwa mag-agi sa inspection ag tamang proseso.
Dugang pa ni Dr. Nepomuceno, ru proseso ng agin sunod sa National Meat Inspection Code of the Philippines 2002 gin patibay it municipyo’t Kalibo kato pang 2002.
Maga pangatubang itnaga kaigo nga pinalidad ru sin-o mang maga-eabag hay maga bayad it indi magsobra sa P1,000 ru first offense; paga kompiskahon ag pagka preso sa indi mag-abot sa sang buean ingkadong mapamatud-an.//MARIVIC Y. ILIN