LEGAZPI CITY – Pigpaplanuhan sa banwaan kan Sto. Domingo, Albay na magkaigwa nin ospital tanganing mabawasan an tawong pigdadara sa BRRTH.
Segun kay Mayor Jun Aguas, haloy na ining plano para sa banwaan.
En kaso madagos, magigin dakulang tabang ini para sa mga Domingueños nganing dai na maalanganin an mga tawo pag igwa nin emerhensya.
Kadalasan, an mga pigdadara sa ospital iyo an mga bados na mangangaki, mga imbwelto sa aksidente sa tinampo, mga nagkakaigwa nin helang asin iba pa.
Saro ini sa magigin flagship en kaso na madagos an planong proyekto.
Approval na sana hale sa Sangguniang Bayan an pighahalat tanganing mapunan na an pagkonstruwir ki ospital.